Ra’iisul Wasaare Khayre oo Xafiiskiisa Ku Qaabilay Nicholas Haysom

Muqdisho, October 04, 2018 –Ra’iisul wasaaraha xukuummadda federaalka Soomaaliya, Mudane Xasan Cali Khayre, ayaa maanta xafiiskiisa ku qaabilay ergayga cusub ee Xoghahaya guud ee Qaramada Midoobay usoo magacaabay arrimaha Soomaaliya, Nicholas Haysom.

Ra’iisul Wasaare Khayre iyo Nicholas Haysom ayaa ka wada hadlay wada-shaqaynta iyo dardar gelinta qorshayaasha qaranka.

“Waxa aan ku faraxsanahay in maanta aan xafiiskayga kusoo dhaweeyo ergayga gaarka ah ee xoghayaha guud ee qaramada midoobay u soo magacaabay Soomaaliya, Nicholas Haysom. Waxa aan rajaynayaa in aan si wadajir ah uga shaqayno qorshayaasha qaran” ayuu yiri ra’iisul Wasaare Xasan Cali Khayre.

Xoghayaha guud ee qaramada midoobay, António Guterres ayaa dhawaan Nicholas Haysom, waxa uu usoo magacaabay wakiilkiisa Soomaaliya, waxa uuna bedelay ergaygii hore, Michael Keating oo dalka ka howl gelayay laga soo billaabo 2016.

—-DHAMMAAD—-

Xafiiska Warbaahinta iyo Xiriirka
Muqdisho, Soomaaliya
www.opm.gov.so
media@opm.gov.so
https://www.flickr.com/photos/opmsomalia/
Twitter:
@SomaliPM
@HassanAKhaire
@opmsomalia
https://www.facebook.com/OPMSomalia