Ra’iisul Wasaare ku xigeenka labaad oo Daahfuray wajiga labaad ee Mashruuca Baxnaano

Muqdisho, 17 Maajo, 2025:–Ra’iisul Wasaare ku-xigeenka Labaad ee Xukuumadda Jamhuuriyadda Federaalka Soomaaliya, Mudane Jibriil Cabdirashiid Xaaji Cabdi, oo daahfuray wajiga 2-aad ee mashruuca Baxnaano ee daryeelka bulshada, ayaa sheegay in mashruucaani uu caawiyo dadka danyarta ah wajigiisa koowaadna uu guul ku soo dhammaaday. Ra’iisul Wasaare Kuxigeenka, ayaa bogaadiyey guulihii uu xaqiijiyey masharuucan muddadii shanta sano ahayd ee uu shaqaynayey, waxa uuna faray hay’adaha ku shaqada leh in la dardar galiyo fulinta wajiga labaad, isaga oo ka mahad celiyey dadaalka la galiyey, si uu miradhal u noqdo. Barnaamijka Baxnaano ayaa wajigiisa koowaad waxaa uu socday intii u dhexeysay 2019 ilaa 2024 ayaa waxaana ka faa’iideystay dad gaaraya 1.3 Malyan oo reer guuraa u badan, sida ay sheegtay Wasaaradda Shaqada iyo arrimaha bulshada oo u xilsaaran fulintiisa. -Dhammaad- Wixii Faah-faahin ah kala xiriir Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW Farxaan Maxamed Jimcaale farhan.jimale@opm.gov.so media@opm.gov.so Muqdisho, Soomaaliya www.opm.gov.so