Ra’iisul Wasaare Xamsa oo magaalada Laascanood ka dhagax-dhigay Mashaariic waaweyn

Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, oo uu wehliyo Hoggaamiyaha Maamulka SSC—Khaatumo, Mudane Cabdulqaadir Axmed Aw Cali (Firdhiye) ayaa maanta si rasmi ah u dhagax dhigay Siddeed mashruuc oo muhiim ah, kuwaas oo dowladda Federaalka Soomaaliya, ay ka hirgelinayso magaalada Laascaanood iyo guud ahaan deegaannada maamulka SSC-Khaatumo. Ra’iisul Wasaaraha, oo mudnaan gaar ah siinaya muhiimadda ay leedahay in la gaarsiiyo shacabka Soomaaliyeed adeegyada sida gaarka ah loogu baahan yahay, ayaa sheegay in mashaariicdan ay xoojin doonaan isku-xirka bulshada iyo dowladnimada, una gogol-xaarayaan kobac dhaqaale iyo horumar waara oo laga hirgaliyo dalkeenna. Mashaariicda la dhagax-dhigay ayaa kala ah: 1. Madaxtooyada Maamulka SSC-Khaatumo. 2. Xarunta Socdaalka iyo Jinsiyadda, Laanta Laascanood. 3. Xarunta Boliiska SSC-Khaatumo. 4. Xarunta Cilmiga Farsmada Gacanta ee Sayid Maxamed. 5. Waddo laami ah oo isku xiri dooonta Samakaab iyo Buuhoodle 6. Xafiisyo kala duwan oo ay ku shaqayn doonaan maamulka SSC-Khaatumo. 7. Xarunta Qaran ee Gurmadka degdegga ah (SODMA). 8. Isbitaalka dowladda SSC-Khaatumo( State House Hospital). Ra’iisul Wasaare Xamsa, ayaa sheegay in ay farxad galinayso dhismaha xarumahan muhiimka ah kuwaas oo bixin doonna adeegyada muhiimka ah ee dowladda, isagoo ballan-qaaday in mashaariic kale oo badanna dowladdu keeni doonto mustaqbalka. — DHAMMAAD — Wixii Faah-faahin ah kala xiriir Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW Farxaan Maxamed Jimcaale farhan.jimale@opm.gov.so media@opm.gov.so Muqdisho, Soomaaliya https://opm.gov.so/https://www.flickr.com/photos/opmsomalia/