Xoghayaha Joogtada Ah ee Xafiiska R/Wasaaraha iyo Agaasimayaasha Guud Oo Ka Shiray Hannaanka Shaqo ee Xilliga Kala Guurka

Muqdisho; Khamiis, July 02, 2020 —-Xoghayaha Joogtada ah ee Xafiiska Ra’iisul Wasaarah, Dr. Axmednuur Maxamed Cabdi ayaa guddoomiyay shirka agaasimayaasha guud ee wasaaradaha oo maanta looga hadlay in doorashooyinka dalka ka dhacaya ayan saameyn ku yeelan habsami u socodka shaqooyinka dowladda.

Kulanka ayaa looga dooday qaabka ugu haboon ee wasaaradaha iyo dhammaan hey’adaha dowladdu ay si habsami leh ugu wadaan howlaha ay qaranka u hayaan xilliga kala guurka ah ee ay dalka ka dhacayaan doorashooyinka heer federaal.

Dhanka kale, agaasimayaasha guud ayaa kulanka uga war bixiyay shaqooyinka wasaaraduhu ay qabteen lixdii bilood ee lasoo dhaafay, caqabadaha lala kulmay iyo casharadii laga bartay ee faa’iidada u leh fududeynta shaqooyinka kale ee wasaaaraddaha u yaalla.

Agaasimayaasha guud ayaa isla gartay in sare loo qaado wadashaqeynta dhaw ee ka dhexeysa agaasimayaasha guud iyo in si xooggan looga shaqeeyo fulinta halbeegyada hor-tebinta leh ee xukuumadda, si loogu guuleysto himilooyinka ummadda Soomaaliyeed.

—DHAMMAAD—-

Xafiiska Warbaahinta iyo Xiriirka
Muqdisho, Soomaaliya
www.opm.gov.so
www.flickr.com
Youtube
Twitter:
@SomaliPM
@HassanAKhaire
Facebook:
OPMSomalia
HassanAliKhaire
instagram:
hassanakhaire
opmsomalia