Ra’siiul Wasaare Xamsa oo magacaabay Guddiga Tira-koobka, Soo Celinta, Qiimeynta iyo ka Talo-Bixinta Nidaaminta Hantida Qaranka

Muqdisho, Maajo 13, 2023–Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa magacaabay Guddiga Tira-koobka, Soo Celinta, Qiimeynta iyo ka Talo-Bixinta Nidaaminta Hantida Qaranka.

Ra’iisul Wasaaraha oo muhiimadda siinaya badbaadinta iyo soo celinta Hantida Qaranka ee ay lahayd Dowladdii Dhexe ee Soomaaliya ka hor 1991, ayaa magacaabay Guddi ka kooban 8 xubnood oo ka shaqeeya soo celinta hantida dowladda, kuwaas oo kala ah;

1.​Mudane Abshir Cumar Huruuse – Wasiirka Arrimaha Dibedda – Xubin
2.​Mudane Dr Cilmi Maxamuud Nuur – Wasiirka Maaliyadda – Xubin
3.​Mudane Jibriil Cabdirashiid Xaaji Cabdi – Wasiirka Ganacsiga – Xubin
4.​Mudane Ismaaciill Cabdiraxmaan Sh. Bashiir – Wasiirka Howlaha Guud – Xubin
5.​Mudane Yuusuf Xuseen Jimcaale (Madaale) – Gud. Gobolka Banaadir Ahna Duqa Muqdisho- Xubin
6.​Mudane Dr Cismaan Cilmi Guuleed – Garyaqaanka Guud ee Qaranka – Xubin
7.​Mudane Abshir Maxamed Axmed (Bukhaari) Wasiiru Dowlaha Madaxtooyada – Xubin
8.​Mudane Xirsi Jaamac Gaani – Wasiiru Dowlaha Xafiiska Ra’iisul Wasaaraha – Xubin

Soo celinta hantida Qaranka ayaa loo kala hormarinayaa duruufaha loo qabo in lagu fuliyo adeegyada Bulshada ama baahida ay dowladu u qabto inay ku fuliso shaqo Qaran.

Waajibaadka Guddigan ayaa noqonaya:

1.​Tirakoobka Hantida Hay’adaha Dowladda, sida Wasaaradaha, Hay’adaha madaxa-bannaan ee Dowladda dhexe iyo Dowladaha Hoose.
2.​Soo celinta Hantida Qaranka ee sida sharci darrada ah loo heysto.
3.​Qiimeynta xaaladaha ay ku sugan yihiin Hantida Qaran ee la tirakoobay.
4.​Ka soo talo bixinta nidaaminta Hantida Qaranka ee la soo celiyay iyo sida ugu habboon ee loogu adeegsanaayo danta guud.
5.​U soo gudbinta Ra’iisul Wasaaraha warbixin dhammeystiran ee geeddi-socodka soo celinta Hantida Qaranka.

–DHAMMAAD—-

Wixii Faah-faahin ah kala xiriir Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW Farxaan Maxamed Jimcaale farhan.jimale@opm.gov.so media@opm.gov.so Muqdisho, Soomaaliya www.opm.gov.so Twitter: @SomaliPM Facebook: OPMSomalia Flickr https://www.flickr.com/people/opmsomalia/ instagram: opmsomalia