Ra’iisul Wasaare Ku Xigeenka oo Booqday Madasha lagu dejinayo Qorshaha Isbeddelka Qaranka

Muqdisho, Arbaco, 23 Oktoobar 2024: – Ra’iisul Wasaare Ku Xigeenka Xukuumadda Jamhuuriyadda Federaalka Soomaaliya Mudane Saalax Axmed Jaamac, ayaa maanta booqday xarunta ay ka socdaan sheybaarrada Qorshaha Isbeddelka Qaranka, halkaasi oo uu kula kulmay Khubarrada iyo hawlwadeenadda ku hawlan Qorshaha Isbeddelka Qaranka (NTP). Mudane Saalax ayaa ku boorriyay hawlwadeennada iyo Khubarada dadaalka xooggan ay ay geliyeen sidii looga miradhalin lahaa Qorshaha Isbeddelka Qaranka 2025 – 2029 oo la doonayo in uu dalkeenu u keeno isbeddel Qaran oo horseeda horumar bulsho iyo dhaqaale oo la taaban karo. Ra’iisul Wasaare Ku Xigeenka ayaa sheegay in Xukuumadda DanQaran ay ka go’an tahay sidii dalka loo gaarsiin lahaa natiijooyin waaweyn oo deg deg ah, iyada oo lala kaashanayo, isla markaana la mideynayo awoodaha hay’adaha kala duwan ee dawladda, bulshada rayidka, ganacsatada, maalgashatada iyo hey’adaha caalamiga ah gaar ahaan kuwa qaabilsan horumarinta. DHAMMAAD Wixii Faah-faahin ah kala xiriir Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW Farxaan Maxamed Jimcaale farhan.jimale@opm.gov.so media@opm.gov.so Muqdisho, Soomaaliya www.opm.gov.so