Ra’iisul Wasaare Rooble oo ka tacsiyeeyey Geerida Madaxweynihii hore ee Soomaaliya Cali Mahdi Maxamed

Muqdisho, Maarso 10, 2021;Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa Qoyska, Ehelada, Asxaabta iyo Guud ahaan Ummadda Soomaaliyeed uga tacsiyeeyey geeridii naxdinta leh ee ku timid Allaha u naxariistee madaxweynihii hore ee Soomaaliya Mudane Cali Mahdi Maxamed oo maanta geeriyooday. “Waxaan geerida Madaxweynihii hore uga tacsiyeynayaa qoyskii uu ka baxay, asxaabtiisii iyo guud ahaan shacabka Soomaaliyeed”. Ra’iisul Wasaaraha ayaa Alle uga baryay in uu Jannadiisa Firdows ka waraabiyo, ehelkiisii iyo guud ahaan Shacabka Soomaaliyeedna uu Samir iyo iimaan ka siiyo. Allaha u naxariistee Marxuum Cali Mahdi Maxamed ayaa ahaa madaxweynihii 4aad ee Jamhuuriyadda, waxa uu siyaasadda ku jiray muddo dheer, isagoo sidoo kalena ahaa ganacsade iyo oday Soomaaliyeed oo kaalin weyn ka soo qaatay dib u heshiisiinta iyo isu soo dhaweynta shacabka Soomaaliyeed.