Ra’iisul Wasaare Rooble oo qado sharafeed loogu sameeyey deegaanka Goobweyn

Muqdisho, 09 Luulyo, 2021Ra’iisul Wasaaraha Xukuumadda Federalka Soomaaliya Mudane Maxamed Xuseen Rooble ayaa qado sharaf waxaa ugu sameeyey duleedka magaalada Kismaayo Madaxweynaha Jubbaland Mudane Axmed Maxamed Islaam. Ra’iisul Wasaare Maxamed Xuseen Rooble ayaa uga mahadceliyey Madaxda iyo bulshada Jubbaland soo dhaweynta diirran ee ay ku qaabileen isaga wafdigiisa, waxa uuna tilmaamay muhiimadda booqashadan uu ku yimid Kismaayo ay u leedahay horumrinta deegaannada Jubbaland. Sidoo kale, Ra’iisul Wasaaraha Xukuumadda ayaa ku adkeeyey bulshada Jubbaland in ay sii ambaqaadaan dadaallada dib u heshiisiinta, una midoobaan dagaalka ka dhan ah argagixisada Alshabaab, si horumar iyo barwaaqo ay u gaaraan reer Jubbaland. Ra’iisul Wasaaraha waxaa marti qaadkan ku wehelinayey Madaxweynaha Dowlad-goleedka Jubaland Mudane Axmed Maxamed Islaam, Wasiirro, Xildhibaann iyo madax heer federaal iyo dowlad-goboleed ah.