Ra’iisul Wasaare Rooble oo si diirran loogu soo dhaweeyey Jabuuti

Jabuuti, December 14, 2021; Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble iyo Wafdi uu hoggaaminayo ayaa si diirran loogu soo dhaweeyey Magaalada Jabuuti ee dalka aan walaalaha nahay ee Jabuuti.

Ra’iisul Wasaaraha ayaa ka qeyb galaya Madasha Aragti-wadaagga ee Heritage, taas oo lagu soo bandhigayo doodo iyo xog ururin ku saabsan xasilloonida iyo horumarka Gobolka, si loo abbaaro xalka waara iyo xaqiijinta hiigsiga wadajirka ah ee dadka Soomaaliyeed.

Ra’iisul Wasaare Rooble ayaa madasha ka jeedin doona khudbad ku saabsan Soomaaliya, waxa uuna sidoo kale kulamo gaar gaar ah la yeelan doona Madaxda iyo Masuuliyiinta ka qeyb-galaya madasha.

Wafdiga Ra’iisul Wasaaraha ee Madasha ka qeyb-galaya waxaa ka mid ah Wasiirrada Xukuumadda Federaalka Soomaaliya ee Qorsheynta, Amniga Gudaha, Wasiir Kuxigeenka Warfaafinta iyo Wasiirru-dowlaha Gaashaandhigga.

—DHAMMAAD—-

Xafiiska Warbaahinta iyo Xiriirka
Muqdisho, Soomaaliya
www.opm.gov.so
www.flickr.com
Youtube
Twitter:
@SomaliPM
Facebook:
OPMSomalia
instagram:
opmsomalia